Herbergin á Sand hótel eru innréttuð með áherslu á afslappað andrúmsloft og tímalausa hönnun. Saga húsanna endurspeglast í klassískum og hágæða áherslum í húsgagnavali auk þess sem hvert herbergi státar af nútímalistaverki. Öll herbergin eru búin helstu nútímaþægindum en fyrir þá sem vilja meiri lúxus þá er hægt að bóka svítu.
Í littla tveggja manna herberginu er allt sem þú þarft í seilingarfjarlægð. Notalegt herbergi sem þjónar þeim sem vilja hafa það huggulegt, án þess að fórna notagildinu. Skrifborð, hátalari, kaffivél og sturta. Hvað þarftu meira?
Tveggja manna herbergin á Sand Hótel eru huggulega innréttuð með áherslu á afslappað andrúmsloft og tímalausa hönnun. Sérvalin verk eftir samtímalistamenn prýða hvert herbergi sem gefur þeim persónulegt yfirbragð.
Superior herbergin á Sand Hótel eru huggulega innréttuð með áherslu á afslappað andrúmsloft og tímalausa hönnun. Sérvalin verk eftir samtímalistamenn prýða hvert herbergi sem gefur þeim persónulegt yfirbragð.
Umvefðu þig ástvinum þínum í fjölskylduherbergi Sandhótels. Tvö dýrðleg hjónarúm ganga úr skugga um að þið fáið rými til að hvíla lúin bein áður en þið haldið út í ævintýrið sem miðborg Reykjavíkur er. Fullkominn dvalarstaður til að framleiða minningar.
Taktu þér nóg pláss í minni svítunni okkar. Hækkaðu í Marshall-hátalaranum og hitaðu upp fyrir kvöldið í stílhreinu sófahorninu, áður en þú stekkur út í alræmda Reykjavíkurnóttina. Stemming, stáss og stórkostlegt stuð er það sem bíður þín í Junior-svítunni.
Stundum má nú aðeins leyfa sér. Í svítunni er hægt að breiða almennilega úr sér og láta fara vel um sig innan um stórglæsilega samtímalist og nútímalega innanhúshönnun. Granítklætt baðherbergið er umgjörðin sem þú átt skilið, á meðan þú undirbýrð þig fyrir kvöldið og löðrar hárið í sjampói frá Molton Brown Organics.
Við lifum aðeins einu sinni og Sandsvítan er upplifun sem þú gleymir aldrei. Marmaraklætt baðhergi býður upp á unaðslega baðferð, eins og lítil vin í smábænum sem þykist vera stórborg. Svefnherbergið skartar gluggum í tvær áttir og vítt er til veggja, svo þú hefur nóg pláss og getur legið í rúminu og ímyndað þér að þú sért konungborin. Þá er bæði borðstofa og stofa, svo þú getur valið hvar þú hóar fólkinu þínu saman til að halda upp á eitthvað alveg sérstakt. Bókaðu Sandsvítuna. Þú átt það skilið.
